Խաղացեք PolyWordlot - Հայերեն Բառային Խաղ

aramhayr
Mar 16
3 min read

Updated: Apr 9

Խաղացեք PolyWordlot` Մուտք

Հեղինակ` Իլյա Վոլվովսկի

Ընդհանրական

Այս էջը նկարագրում է PolyWordlot բառային խաղի հայերեն տարբերակի առանձնահատկությունները, որը Wordle-ի բարելավված եւ բազմալեզու տարբերակն է։

Արևելահայերեն Վիքիպեդիան եւ Վիքիբառարանը ընտրվել են որպես հայերեն բառաձեւերի կորպուս։ Տվյալների պատրաստման էջը մանրամասն նկարագրում է տվյալների մաքրման գործընթացը։

Ինչպե՞ս խաղալ

Էկրանն ու կանոնները

Կանոնները պարզ են. դուք ունեք 6 փորձ՝ օրվա բառը գուշակելու համար: Ահա խաղի էկրանը`

Խաղի ժամանակ հերթական բառը մուտքագրելուց հետո, կանաչով են ընդգծվում այն տառերը, որոնք կան գուշակվող բառի նույն դիրքում, դեղինով, եթե դիրքը սխալ է, եւ սեւով, երբ տառը գուշակվող բառում չկա։

Խաղալու համար պետք է գրանցվել՝ տրամադրեք ձեր էլ. փոստը եւ ստեղծեք գաղտնաբառ։ Գրանցման պատճառները հետևյալն են՝ 1) հավելվածը վիճակագրություն է տրամադրում ձեր հաջողությունների մասին՝ հաղթած և պարտված խաղերի քանակը (սեղմեք էկրանի վերևի ձախ կողմում գտնվող պատկերակը). ուրիշները չեն կարողան խաղալ ձեր փոխարեն. 2) եթե մոռանաք գաղտնաբառը, ապա վերականգնման հրահանգը կուղարկվի ձեր էլ. փոստին։

Սրանք ձեր իրական էլ. փոստով գրանցվելու միակ պատճառներն են։ Այնուամենայնիվ, եթե դուք չեք վստահում հավելվածին, ապա կարող եք խաղալ՝ էլ. փոստի նման (ֆորմատի) «կեղծ», «հնարովի» անունով։ Այս դեպքում, եթե մոռանաք գաղտնաբառը, ապա ձեզ, բնականաբար, ոչինչ չի ուղարկվի։

Գլոբուսի պատկերակը նախատեսված է այն լեզուները ընտրելու համար, որոնցով ցանկանում եք խաղալ։ Այս պահին (2026-π) իրացված են 🇺🇸Անգլերեն, 🇷🇺Ռուսերեն, 🇫🇷Ֆրանսերեն, 🇪🇸Իսպաներեն, 🇮🇱Եբրայերեն, 🇦🇲Հայերեն լեզուներով բառարանները։

Ծրարի պատկերակը նախատեսված է Արձագանքի՝ սխալների մասին հաղորդագրությունների և առաջարկությունների համար, ձախ ուղղված սլաքը Ելքն է։

Ամեն օր կարող եք գուշակել յուրաքանչյուր երկարության մեկ բառ (ամբողջ թիվ 5-ով իջնող ցանկը)՝ 5-ից 7 նիշ։

Թեստավորման համար սեղմեք ([Daily]` Օրական) վարսլաց ցանկը։ Դուք կարող եք ստանալ Փորձարկողի (թեստավորողի` [Practice]) հատուկ մուտք Արձագանքի էլ. փոստի միջոցով, եթե այն անմիջապես մատչելի չէ։

Կարևոր է նաև ձեր ընկալումը հարմարեցնել բառի երկարությանը նիշերով, այլ ոչ թե տառերով, քանի որ «ու»-ն 2 նիշանոց տառ է, եւ չկա մեկ «և» նիշ. «առեւտուր» բառի երկարությունը 8 է։

Ստեղնաշարի դասավորություն

Իրացված հնչյունական ստեղնաշարի դասավորությունը RFC: EN-0004-ում առաջարկված փոփոխության փոփոխությունն է - տե՛ս Armenian Characters set review:

[“չ”, “ձ”, “շ”, “է”, “ռ”, “թ”, “ղ”, “ը”, “օ”, “փ”]

["ք", "ժ", "ե", “ր”, "տ", "յ", "ւ", "ի", “ո”, "պ"]

["ա", "ս", "դ", "ֆ", "գ", "հ", “ջ”, "կ", “լ”]<delete>

["զ", “խ”, "ց", "վ", "բ", "ն", "մ", “ծ“, “ճ”]<return>

«Այս դասավորությունը հիմնված է եւրոպական լեզուներում լատինական տառերի արտասանության արեւելահայերենին մոտիկության վրա։ Այն ունի լրացուցիչ ուղղեցույց հայերեն տառերի դիրքը հիշելու համար։ «Եչ», «Ռեհ», «Տյուն», «Վո», «Պեհ» եւ «Չա» տառերին ստեղներին համապատասխանում են հնչյունականորեն մոտ «Էհ», «Ռա», «Տո», «Օ», «Պյուր» եւ «Չեհ» տառերը (վերեւ -> աջ դիրքում)։ «Օ» տառը կապված է 0 թվանշանի հետ, «Ձա» տառը՝ «2» թվանշանի հետ» (RFC: EN-0004)։ Բացի այդ, վերեւի երկու շարքերի մեջտեղում «յիւղը» բառն է ուրվագծվում:

[Տես RFC: EN-0004-ը՝ արեւմտահայերենի հնչյունական ստեղնաշարի դասավորության համար, որը մշակվել է վերը նշված սկզբունքներով։]

Առաջարկություններ

Խաղը օգտակար է ոչ միայն հաճույքի, այլեւ ուսանման համար. Երբ մկնիկի կուրսորը պահում եք մուտքագրված ամբողջական բառի վրա, հավելվածը ցույց է տալիս բառի սահմանումը։

Նման հավելվածը կարող է օգտագործվել ոչ միայն լեզվական հմտությունները բարելավելու, այլեւ առարկաներ սովորելու համար՝ օգտագործելով աշխարհագրության, քիմիայի, անատոմիայի եւ այլնի տերմինների թեմատիկ բառարաններ։

Խաղացողի միավորները

Խաղացողները կարող են շարակարգվել հաջող գուշակության արդյունքում կուտակված միավորների հիման վրա: Յուրաքանչյուր գուշակված բառի համար խաղացողը վաստակում է բառի երկարության միավորներ: Լեզվի ուսուցումը խրախուսելու համար կիրառվում է միավորների հատկացման աստիճանական կարգ: Երկրորդ լեզվով յուրաքանչյուր գուշակված բառի համար միավորները կրկնապատկվում են, երրորդի համար՝ եռապատկվում, եւ այդպես շարունակ: Օրինակ, եթե խաղացողը գուշակել է 3 4 նիշանոց բառ 2 լեզվով, ապա միավորները առաջին լեզվի համար 3x4 է, իսկ երկրորդ լեզվի համար՝ 3x(4x2)՝ ընդհանուր 36 միավոր (մեկ լեզվով 6 բառի համար կլիներ ընդամենը 24): Եթե խաղացողն ունի 3 4 նիշանոց բառ երեք լեզուներից յուրաքանչյուրում, ապա միավորները դառնում են 3x4 + 3x(4x2) + 3x(4x3) = 72:

Որպեսզի ավելի հավակնոտ մարդիկ խաղան PolyWordlot խաղի կայքէջում ամեն օր հրապարակվում է խաղացողների լավագույն 20 (50 կամ 100)-յակը:

Բառերի խաղային հաճախականությունը

Լեզվաբանների համար միգուցե հետաքրքիր է իմանալ գուշակման ընթացքում փորձված բառերի հաճախականությունները: Խաղի բառարանի ավելի լավ ձեւավորման համար օգտակար է վիճակագրություն ստանալ որոշակի բառի գուշակման քայլերի միջին քանակը: