Ի կապով հոլովական ձեւեր

Մեծ մասամբ հնացած, բայց դեռ օգտագործվող, ի կապի նշանակություններն են [ԺԲԲ1969::2.294-296]`

1. դեպի – ի հավերժություն,

2. մինչեւ – ի մահ (ցմահ),

3. մատուցում – [վերադարձրու] ի տեր,

4. միջոց – [օրհնյա] ի տեր,

5. հայցականով գործիական – ի ձայն <երաժշտական գործիքի>,

6. հայցականով տրական – [հեթանոսությունից] ի քրիստոնեություն [ածեց],

7. հայցականով կամ տրականով ներգոյական – ի սիրտ, ի ծոց,

8. հպատակ – ի վնաս, ի կարգս,

9. որպես – ի պատասխան:

Ի կապը զգալի քանակով կայուն կապակցություններ է կազմում, որոնք ունեն յուրահատուկ, ինքնություն (բաղադրիչ խնդրից անկախ եւ տարբեր) նշանակություն` ի բարին կատարել, ի բաց առյալ, ի գետ լինել, ի խնդիր, ևն: Սրանցից յուրաքանչյուրը համապատասխան (բերված օրինակներում հիմնականում` բայական) իմաստույթ է:

--

[ԺՀԲ1969] Ժամանակակից հայոց լեզվի բացատրական բառարան, հ.1-4. ՀՍՍՀ ԳԱ հրա­տա­­րակ­չություն, Ե., 1969-1980։